PHP kya hai kaise sikhe Hindi

Jaisa ki main apni pichli kuch post me bata chuka hu ki website banana koi aasan kaam nahi hai, kintu aapne dekha honga ki aaj kal har koi website bana deta hai  or usse paisa bhi kamta hai aap bhi yah kar sakte hai, to yah kaise hota hai. Main aapko batana chahunga ki is tarah jo website banante hai vo website na hokar ek blog hota hai (website or blog me kya antar hai)jo aap bhi bana sakte hai agle 5 minute me WordPress ki madad  se. maine kai post likhi hai is vishay par. Aaj hum is post “PHP kya hai kaise sikhe hindi me” me baat karenge ki PHP kya hoti hai or ek Sahi Website banane me PHP ka kya yogdan hota hai.

PHP kya hai

PHP yani Hypertext Preprocessor jo ki ek server scripting language hai iska use badi badi Website banane ke liye kiya gaya hai Jaise Facebook ko he le lo yah bhi PHP me bani hui website hai. PHP ke dwara aap ek aise website bana sakte hai jisme sabkuch possible hota hai aap jo chahe vo edit kar sakte ho jaisa chahe layout dal sakte ho. iske thik viprit WordPress se banaye gaye blog mai aisa kuch nahi hota uski kuch limitation hoti hai. To kahne ka matlab ye ki PHP ek bahut he powerful tool hai Dynamic or Static Website banane ke liye.

PHP se kya hota hai

Jaisa ki maine bataya ki PHP ek programming language hai jiski madad se dynamic website banai ja sakti hai. chaliye ab hum janne ki koshish karte hai ki  Static website or Dynamic website me kya antar hota hai.

  • Static Website : Static website yani aise website jisme kuch information ho jaise ki kisi company ki profile, Kisi product ki information, ya koi aise website jiske dwaar aise jankari provide ki jati ho jo ek baar site par upload karne ke baad change bahut kam baar ya naa ke barabar karna pade Static website hoti hai. Is tarah ki website bina PHP jane banai ja sakti hai.
  • Dynamic Website : Dynamic website ko he banane ke liye aapko php ya kisi dusri server side language ka aana jaruri hai, Dynamic website vah hoti hai jisme user dwara input kiya jata Login kiya jata ho, kuch Data yaa image upload kiya jata ho ya fir kuch Product kharida ya becha jata ho aise website Dynamic website kahlati hai or isi tarah ki website banane ke liye PHP ki jarurat hoti hai.

Kya hindi me PHP sikh sakte hai

Agar aapko thodi si bhi english aati hai to aapko PHP samajhne me koi dikkat nahi hoti par aisa bhi nahi hai ki Bina english jane aap PHP ya koi or Programming language sikh sakte ho. Aapko thodi to english aani he chahiye anytha aap coading kaise karoge or koi bhi programming fir vo c, c++ ya HTML, PHP, Java jo bhi ho sabhi likhi to english me he jati hai. isliye aapko english ka basic knowledge hona anivary hai.di

हमारी यह पोस्ट भी पड़े

PHP kya hai kaise sikhe Hindi

  • English : yadi aapko English aati hai to fir market me bahut si books available hai jinke madhyam se aap PHP sikh sakte hai or kai saari website bhi hai jo online PHP sikhati hai meri  favorite agar PHP sikhne ke w3school.com hai yaha se aap sikh sakte hai. PHP kya hai kaise sikhe Hindi
  • हिन्दी Hindi : Hindi me PHP sikhane ke liye market me books naa ke barabar hai or kisi website ke madhyam se aap sikhte bhi hai to aap PHP ke basic ke alava kuch or nahi sikh sakenge Agar aapko Hindi me PHP ko detail me sikhna hai to aap BccFalna.com se PHP in Hindi PDF book kharid sakte hai jiski kimat Rs. 350  hai yah ek bahut he acchi book hai jisse aap PHP sikh sakte hai.

PHP kya hai kaise sikhe Hindi

To meri yahi salah hai ki aap ek Badiya website banana chahte hai to aapko PHP sikhna chahiye anytha aap WordPress aadi ka use karke website to banana sikh jayenge lekin fir bhi aapko kuch adhura sa lagega kyoki aap apni pasand ke anusar us website me changes nahi kar payenge. Maine jo book Suggest ki hai vah ek vakai me bahut he badiya hai jiski madad se aap PHP sikh sakte hai.

To dosto aapko yah post  PHP kya hai kaise sikhe Hindi kaise lagi hume comment me jarur bataye or aapko PHP ya kisi any programming language se sambandhit koi question puchna ho to aap humse puch sakte hai. Yah post  pasaand aaye to apne dosto me share karna naa bhule.